Þorsteinn V Sigurðsson

Snilldarræða hjá nafna mínum Pálssyni, mæli með því að fólk kíki á þennan tengil

 http://www.sa.is/frettir/almennar/nr/5774/

	Tvöfalda þarf útflutningsframleiðsluna
Ábyrgðarmaður færslu Tilkynna um óviðeigandi tengingu við frétt

Það er greinilega farið að fjúka í flest skjólin þegar Vinstri Vaktin gegn ESB er farin að vitna í góðan og gildan sjálfstæðismann (sem ég er reyndar sjálfur), en það er bara verst þegar upplýsingarnar eru kannski ekki aaaalveg réttar.  http://vinstrivaktin.blog.is/blog/vinstrivaktin/entry/1262455/

Jú jú, auðvitað eru sumar vörur ávallt miðaðar við USD, en er ekki umhugsunarvert til hvaða landa við erum að selja okkar vörur.

Samkvæmt tölum Hagstofu Íslands þá fluttum við út vörur til landa Evrópu árin 2000 - 2011 fyrir 3160,3 milljarða á meðan á sama tíma við fluttum út vörur til allra annarra landa í heiminum fyrir 665,7 milljarða eða rétt ríflega 20 % af því sem við fluttum út til Evrópu.

Þessar tölur hljóta að færa okkur heim sanninn um að lönd Evrópu eru okkar helstu viðskiptaaðilar, jafnvel grjótharðir ESB andstæðingar geta ekki neitað þessum tölulegu staðreyndum, en lengi skal manninn reyna.

Ráðherrar í þessum löndum yrðu eflaust settir af, en munurinn á þessum löndum, sem Guðni telur upp, og Íslandi er sá að þeir eru með gjaldmiðil sem er viðurkenndur á heimsvísu. Íslenska krónan er því miður ekki viðurkennd víðar en hér á Íslandi, við gætum alveg eins verið með peninga sem væru litlir plastkubbar, þeir eru ekki meira virði erlendis.

En það hafa nú reyndar heyrst raddir frá háttsettum ráðamönnum erlendis um að evran sé kannski ekki að gera sig, ekki hafa þeir verið reknir eða settir af.

Er þetta ekki bara spurningin um hvort eigi að tala hreint út um hlutina og viðurkenna stöðuna eins og hún er en ekki berja höfðinu sífellt í næsta mjólkurbrúsapall með fortíðarþrá í sinni.

	Ráðherra yrði settur af
Ábyrgðarmaður færslu Tilkynna um óviðeigandi tengingu við frétt

Orkuveitan birti á vef sínum 15 maí s.l frétt um hversu lánsamir við Íslendingar værum að kaupa vatn og rafmagn hér á landi miðað við nágrannalöndin, það munaði jafnvel hundruðum prósentum, sjá töfluna hér fyrir neðan.

                   Reykjavík  Kaupm.höfn  Stokkhólmur     Osló          Helsinki

Rafmagn       74.785       241.971          147.710         116.378       120.339

Húshitun       73.789       358.435          465.174         367.633       283.242

Kalt vatn       25.059       221.816            31.244          52.393         51.689

Fráveita         40.158       105.775            33.408          73.071         60.724

Alls              213.791     927.997         677.536      609.474      515.994

Eins og sést í fréttinni frá Orkuveitu Reykjavíkur, efri taflan, þá er kostnaður við að nota rafmagn og vatn 185 % dýrara í Noregi en á Íslandi. En hvað gerist ef við köfum aðeins dýpra og könnum hversu langan tíma iðnaðarmaður (málari) er að vinna fyrir þessum kostnaði, skoðum málið.

Íslenskur málari er með samkvæmt taxta kr. 1710 á klst., norskur málari er með kr. 4056 á klst. Það liggur í hlutarins eðli að dæmið hlýtur að líta öðruvísi út.

                     Íslenskur málari                      Norskur málari

Rafmagn             43,73 klst                             28,69 klst

Húshitun             43,15 klst                             90,63 klst

Kalt vatn             14,65 klst                             12,91 klst

Fráveita               23,48 klst                            18,01 klst

Samtals             125,01 klst                        150,24 klst

Það er semsagt ekki nema rétt rúmlega 20 % dýrara að nota rafmagn og vatn í Noregi en á Íslandi, og þetta er þrátt fyrir að við höfum þessa fínu og ódýru hitaveitu. Og það er meira að segja dýrara fyrir okkur Íslendinga að nota kalt vatn og koma svo öllu frá okkur í fráveitukerfinu.

Við erum greinilega alveg að nálgast nágranna okkar í kostnaði við ofangreinda hluti.

Hvað er orðið um hluti eins og “ódýrasta rafmagn í heimi” og “ódýrasta heitt vatn í heimi” ?????????